ਗ਼ਜ਼ਲ---ਉਸਤਾਦ ਚਾਨਣ ਗੋਬਿੰਦਪੁਰੀ

ਛਲਾਵਾ ਇਸ਼ਕ ਦਾ ਜਦ ਵੀ ਕਿਸੇ ਨੂੰ ਆ ਕੇ ਛਲਦਾ ਏ।
ਨਾ ਕੰਮ ਆ ਵੇ ਨਸੀਹਤ ਅਕਲ ਦਾ ਨਾ ਜ਼ੋਰ ਚਲਦਾ ਏ।

ਛੁਪਾਇਆਂ ਵੀ ਕਦੇ ਛੁਪਦਾ ਏ ਜ਼ੁਲਫ਼ਾਂ ਹੇਠ ਮੂੰਹ ਤੇਰਾ?
ਇਹ ਉਹ ਦੀਵਾ ਹੈ ਜਿਹਡ਼ਾ ਸਾਹਮਣੇ ਸੱਪਾਂ ਦੇ ਬਲਦਾ ਏ।

ਕਿਆਮਤ ਨੂੰ ਮੇਰੇ ਵੱਲ ਦੀ ਗਵਾਹੀ ਕੌਣ ਦੇਵੇਗਾ?
ਇਹ ਦੁਨੀਆ ਤੇਰੇ ਵੱਲ ਦੀ ਏ ਇਹ ਦਿਲ ਵੀ ਤੇਰੇ ਵਲ ਦਾ ਏ।

ਜ਼ਮਾਨੇ ਨੂੰ ਖ਼ਬਰ ਇਹਦੀ ਨਾ ਇਹਦੀ ਸਾਰ ਦਿਲਬਰ ਨੂੰ
ਉਹ ਜਜ਼ਬਾ ਪਿਆਰ ਦਾ ਜੋ ਮੇਰੇ ਦਿਲ ਦੇ ਦਿਲ ਚ ਪਲਦਾ ਏ।

ਸੀ ਉਹ ਚੰਦਰੀ ਘਡ਼ੀ ਜਾਂ ਸੈਂਤ ਮਾਡ਼ੀ ਨਿਹੁੰ ਜਦੋਂ ਲਾਇਆ
ਅਸਾਡੇ ਪਿਆਰ ਦਾ ਬੂਟਾ ਨਾ ਸੁਕਦਾ ਏ ਨਾ ਪਲਦਾ ਏ।

ਕੋਈ ਵਾਅਦਾ ਨਾ ਕੋਈ ਆਸ ਉਹਦੇ ਮਿਲਣ ਦੀ ਚਾਨਣ
ਨਾ ਜਾਣੇ ਆਉਣ ਦੇ ਦਿਲ ਨੂੰ ਸੁਨੇਹੇ ਕੌਣ ਘਲਦਾ ਏ।


(ਦੋ ਮਾਸਿਕ ਦਰਪਣ ਚੋਂ ਧੰਨਵਾਦ ਸਹਿਤ)

layi beqadran naal yaari

a super hit song of 1960 written by ustad chanan gobindpuri ji,sung by classical singer tufail niazi.